عرش الملوك (جديد)

بسم الله الرحمن الرحيم




لامن فتحت المنتدى جاني الزين
على الماسنجر قال ياوين ناسي

يفتح معي كيبورد راسي مع العين
وتشرق معالم شاشتي والتماسي

لاشفتها يشبك مع الخط سلكين
سلك اتصال وسلك ماله اساسي

واربع منافذ تطلب عروض تدشين
ولوحة تقول الناس ماهي سواسي**

ولامن عطيت (اظهار) في صورة الزين
طار العماس وطار عني النعاسي

وبديت احس بما يحس السلاطين
كني على عرش الملوك متواسي

يازينها لو كنت بفرااااقها شين
بدفع بها مااملك لوان كان راسي

هذي نصيحة لجاهل العسر واللين
يسمع كلام التجربة والمراسي

ترى العذارى (عملةً ذات وجهين)
وجهً حسن والوجه الاخر يداسي

ولامن عطاني صاحب العمر تحسين
اعطيه من نبعي ولا هو اقتباسي

ولامن نويت اجيه نياتي اتبين
ماهي بنية سايقين التكاسي

امشي وأثبتها على صوت الألفين
بخط وعر مايسلكه كود شاصي

اما اشوف العز وأزيّن الشين
والا الممات ولاحياة الطفاسي

والسهر وسط المدن طبع الوراعين
اللي مشاربها عصير وبباسي

قلته وانا ويني بعيدً وهو وين
والحر يفهم نيتي واحتساسي

هذا زمانً صدق ملعون والدين
يقلب عليك الطاولة والكراسي


اللهم صل على محمد وعلى آله وصحبه أجمعين